Desembermánuður var töfrum líkastur hér á Ljúflingsholti, fylltur hlýju og kærleika. Við föndruðum ótal jólamyndir og skrautmuni og glimmer fannst í hverju horni.

Við byrjuðum mánuðinn á að fá heimsókn. Leikhús í tösku kíkti við 1. desember og við fengum að kynnast Grýlu og jólasveinunum þrettán, það var mikið hlegið.

Jólabaksturinn tók svo við viku seinna. Við bökuðum saman piparkökur sem við skreyttum svo og buðum foreldrum að smakka í foreldrakaffinu 14. desember.

Aðventustundirnar voru mikilvægur partur af mánuðinum. Á hverjum mánudegi hittum við krakkana af hinum deildunum og við kveiktum á kerti og sungum saman í rólegheitum.

Bjúgnakrækir kom í heimsókn til okkar 20.desember en þá héldum við jólaballið okkar. Hann fékk frá okkur bjúgu og í staðinn gaf hann okkur helling af mandarínum. Við dönsuðum svo í kringum jólatréð og sungum með Bjúgnakræki.

Á milli jóla og nýárs eyddum við dögunum okkar á Hulduhólum með Hlíð af
Drafnarborg. Það var ólíkt hefðbundnu dögunum okkar en mikið var það gaman, við horfðum saman á bíó og lékum okkur með alls kyns dót.

Starfsfólk Ljúflingsholts,
Brynja, Heba, Maggi, Lisa og Sigga.

Nóvember var viðburðarríkur mánuður hjá ljúflingum og starfsfólki Ljúflingsholts.

Í byrjun mánaðar, þann 8. nóvember, var alþjóðlegur baráttudagur eineltis. Við stimpluðum handarförin okkar á karton og sýndum því þannig samstöðu. Myndirnar hengdum við svo upp í fatahenginu okkar og þær rötuðu heim með ljúflingunum stuttu seinna.

Krakkarnir á Drafnarborg komu nokkrum sinnum í heimsókn til okkar í nóvember. Við sungum saman og æfðum vel „Kvæðið um fuglana“ og „Foli fótalipri“. Á dag íslenskrar tungu, þann 16. nóvember, fórum við öll saman á Borgarbókasafnið og sungum lögin tvö hátt í kór fyrir foreldra og aðra fjölskyldumeðlimi.

Mánudaginn 21. nóvember byrjuðum við að syngja jólalög á Ljúflingsholti og við tókum líka upp nokkrar jólabækur. Mikið er talað um Grýlu og jólasveinana en bókin „Grýlusaga“ er rosalega vinsæl hjá ljúflingunum. Fyrsta aðventustundin var svo haldin viku seinna í sameiginlegri stund með eldri krökkunum. Þar sungum við saman jólalög og kveiktum á fyrsta kertinu.

Starfsmenn Ljúflingsholts,

Brynja, Heba, Lisa, Maggi og Sigga.

Í októbermánuði var ýmislegt brallað í Ljúflingsholti.

Reykjavík er ein af bókmenntaborgum Unesco og lestrarhátíð var haldin í októbermánuði. Tókum við söguna um Sleipni , Vetrarævintýri Sleipnis eftir Gerði Krisnýju og Gunnar Karlson.

Við máluðum Sleipni sjálfan en hann var hestur með átta fætur og gat flogið. Tréð Yggdrassill og Óðinn voru vinir Sleipnis en Óðinn datt í vökina þegar þeir voru að skauta saman. Yggdrassill og Sleipnir björguðu Óðni uppúr vökinni og kúruðu sig með kakóbolla við arineld eftir slysið.

Börnin hafa haft gaman af sögunni og höfum við sungið mikið um fola fola fótalipra í tilefni Sleipnis. Þann 19. október komu Hulduhólar og yngstu börn Drafnarborgar í heimsókn til okkar í Ljúflingsholti í tilefni Sleipnis líka.

Við vorum búinn að búa okkur til kórónu með fax og sungum og lékum okkur saman. Mikil spenna var yfir heimsókninni. Í vetur munum við fara síðasta föstudag í mánuði með 4 börn í einu í heimsókn á Drafnarborg í vinakakó. Allir fá því að fara minnsta kosti einu sinni yfir veturinn. Í vinakakó syngjum við saman og drekkum kakó sem er hitað úti í sandkassa. Virkilega hugguleg stund með vinum.

Þann 27. október var alþjðóðlegur bangsadagur og slóum við upp náttfataballi. Dagurinn byrjaði á ristuðu brauði og kakó og svo var dansað.

Ásamt þessum viðburðum héldum við okkar striki í starfinu okkar, könnunarleik og hjóðfærakönnun, en börnin nota þar meðal annars hristur sem þau bjuggu sjálf til. Mánudagar og föstudagar eru helgaðir föndri og öðru skapandi.

starfsmenn Ljúflingsholts
Brynja, Heba, Lísa, Maggi og Sigga.

Í september fórum við á stað með vetrarstarfið okkar.

All flestir orðnir vel aðlagaðir af leikskólalífinu og dagarnir ganga miklu betur fyrir sig. Við munum taka hljóðfærakönnun og könnunarleikin til skiptis aðra hvora viku í vetur. Hljóðfærakönnunin er mjög spennandi viðbót í umsjá Lísu.

16. september var dagur íslenskrar náttúru og máluðum við karföflugrös sem að eldri börnin höfðu tekið upp. Við vorum líka mjög heppinn að Guðný ……dóttir, móðir og starfsmaður á Drafnaborg bauð okkur á Fjaðrafok, leikrit sem sýnt var í Tjarnarbíó. Þökkum Guðnýu kærlega vel fyrir en hún er leikmyndahönnuður sýningarinnar. Máluðum svo myndir með leikritið í huga meðan það var ferskt í mynni.

Í lok mánaðarins fengum við 19. barnið inn á deildina hana Zuri svo munum fá eina stúlku til viðbótar í byrun október en þá er deildin full.

Lékum okkur bæði úti og inni ásamt því að halda upp á afmæli Míu og Siggu starfsmans.

starfsmenn Ljúflingsholts
Brynja, Heba, Lísa, Magnús og Sigga