Af Hulduhólum er það að frétta í apríl að allir mættu ferskir eftir páskafríið.

Við höfum verið dugleg við að fara í göngutúra með börnunum og höfum við ýmist aldursskipt þeim eða hópaskipt. Oftast nær hefur leiðin legið annað hvort í Leynigarðinn eða á Bláa róló.

Afmælisbörn mánaðarins voru tvö, þau Theodór Kalman sem varð 4 ára og Kristín Þura sem varð 3 ára. Við óskum þeim til hamingju með afmælið.

Við höfum haldið áfram að vinna með endurvinnslu í umhverfismenntinni. Deildirnar á leikskólanum skiptast nú á um að sjá um það rusl sem fellur til í eldhúsinu.

Barnamenningahátíð hófst 17. apríl og stóð í viku. Hulduhólar sýndu listaverk sín í Borgarbókasafninu í Tryggvagötu. Listaverkin voru öll unnin upp úr sögunni um Dimmalimm. Sýningin fékk afar góðar móttökur enda sannir listamenn að sýna verk sín.

Í tilefni að Degi jarðar þann 22.4. fóru öll börnin á Dvergasteini og öll börnin á Drafnarborg í Leynigarðinn og sungum saman nokkur lög og lékum okkur. Börnin máluðu mjólkurfernur sem við nýttum sem blómapotta og við sáðum alls konar fræjum og bíðum spennt eftir því hvað kemur upp úr moldinni.

Framundan í maí er fyrirhuguð sveitaferð og þess vegna höfum við verið að læra hvað dýrin í sveitinni heita og ungviði þeirra. Einnig ýmiss önnur hugtök og fyrirbæri sem tengjast sveit á einn eða annan hátt. Börnunum gengur nokkuð vel að læra þennan nýja orðaforða og verður spennandi að sjá hvort þau munu nota þessa þekkingu í ferðinni.

Síðasta föstudag í mánuðnum fóru nokkur börn að vanda í heimsókn með starfsmanni upp á Drafnarborg í vinakakó.

Afmælisbörn mánaðarins voru þær Zuri Alexandra og Indra sem urðu 3ja og 4ra ára.

Í byrjun mánaðarins hittum við börnin á Hóli í sögustund og lékum okkur í garðinum á Drafnarborg.

Við höfum unnið að fleiri listaverkum tengdum sögunni um Dimmalimm.

Laugardaginn 17. mars var páskaföndur í Dvergasteini á vegum foreldrafélagsins.

Í hópastarfi vorum við í einingakubbum, hreyfistundum, æfa okkur að klippa og ýmislegt annað.

Í umhverfismenntinni höfum við rætt flokkun á rusli og leggjum áherslu á að takmarka sápu- og vatnsnotkun inn á baði á Hulduhólum. Einnig höfum við aðeins rætt vorið og ungviði dýrana.

Undir lok mars hittum við aftur krakkana á Hóli og skemmtum okkur með þeim. Þau sýndu okkur dans, við sungum saman og fórum svo út að leika í garðinum hjá Drafnarborg.

Fréttir frá Hulduhólum í janúar og febrúar

Gleðilegt nýtt ár allir saman og takk fyrir það gamla. Í janúar brölluðum við ýmisslegt. Við byrjuðum á því að dönsa jólin í burtu þann 5. janúar. Þjóðsagan okkar fór því næst í gang og er að þessu sinni sagan af Dimmalimm.

Krökkunum líst vel á söguna og þekkja hana orðið nokkuð vel. Einnig hafa þau lært ýmsar vísur og lög tengd fuglum og söng Dimmalimmar. Við höfum strax hafist handa við verkefni í listaskála tengdum sögunni.

Afmælisbörnin í janúar voru þrjú. Sóley Hrönn, Stígur Logi og Neeme urðu öll 3ja ára.

Föstudaginn 19. janúar var pabba- og afakaffi þar sem boðið var upp á morgunmat með þorraþema. Í hádeginu sama dag var svo hið árlega Þorrablót.

Þann 25. janúar komu börnin frá Hóli í heimsókn í söngstund og svo léku allir sér saman í garðinum eftir á.

Við fengum tvo nýja nemendur þegar leið á mánuðinn, þær Valborgu (Völlu) og Heklu. Við bjóðum þær hjartanlega velkomnar.

Einu sinni í viku fer hver hópur í jóga með henni Lísu og hefur það fengið góðar undirtektir. Við höfum verið dugleg að fara út að leika í snjónum ef veður leifir enda finnst börnunum það afar skemmtilegt.

Febrúar hófst með því að við mættum með vasaljós á leikskólann og lékum okkur að ljósi og skugga í tilefni af degi Leikskólans.

Afmælisbörn mánaðarins voru þau Eiríkur Bogi og Ekaterina sem urðu bæði 3ja ára.

Þann 16. febrúar buðum við mömmum og ömmum í kaffi í tilefni Konudagsins en börnin höfðu bakað kanilsnúða fyrir daginn. Að venju vakti kaffiboðið mikla lukku.

Við fengum brúðuleikhús í heimsókn undir lok febrúar þar sem verkið Íslenski fíllinn var sýnt við góðar undirtektir.

Leikskólinn okkar hlaut Grænfánan í 3. og 4. skiptið nú á dögunum. Aðal þemað næstu tvö árin verður flokkun en munum við einnig leggja áherslu á neyslu og plast á næstu mánuðum. Af því tilefni viljum við biðja foreldra um þá plastpoka sem annars yrðu ekki notaðir heima og við munum nýta þá undir bleijur. Einnig viljum við biðja foreldra um að koma með taupoka undir blaut föt.

Við byrjuðum nóvember á því að leggja lokahönd á verkefni tengd Lestrarhátíð í Reykjavík.

8. nóvember var baráttudagur gegn einelti og gerðu öll börnin í Dvergasteini og Ljúflingsholti saman verkefni þar sem þau stimpluðu með höndunum á borða sem við hengdum upp í salnum og í fataklefanum. Svo var stór samverustund þar sem við töluðum saman um það hvernig við erum góðir vinir og sungum lög um vináttu.

16. nóvember var dagur íslenskrar tungu haldinn hátíðlegur með söng á Borgarbókasafni. Börnin á Hulduhólum voru búin að vera mjög dugleg að æfa sig og gekk flutningurinn mjög vel. Það var mjög ánægjulegt hvað það var vel mætt af foreldrum og örðum aðstandendum barnanna.

Í hópastarfi höfum við aðeins verið að prófa og nota salinn og þar sem þar er að finna í hreyfistundir. Við höfum einnig prófað að taka fram myndvarpann til þess að leika okkur með ljós og skugga.

Síðustu vikuna í nóvember byrjuðum við svo að æfa nokkur jólalög og undirbúa jólaskrauts-gerð. Jólaljósin eru komin upp á deildinni og um allan skólann. Við erum búin að setja upp jóladagatal hjá okkur með einhverju skemmtilegu tengdu jólunum á hverjum degi. Við ætlum að reyna að skapa rólega og notalega stemmningu hjá okkur í desember.

Njótið aðventunnar!